«Арсенал»нинг собиқ футболчиси Патрик Виейра Англия Кубоги чорак финалида «канонирлар»нинг «Саутгемптон»га имкониятни бой берганига ўз муносабатини билдирди. Кеча, 4 апрель куни Лондон клуби «авлиёлар»га 1:2 ҳисобида мағлуб бўлди.
«Лига Кубоги финалида «Манчестер Сити»дан учралган мағлубиятни тушуниш мумкин. Улар тажрибали ва сиз билан бир хил даражадаги жамоа. Лекин сизни дунёнинг энг яхши жамоаси деб аташаётган бир пайтда, «Саутгемптон»га ютқазиш — бу қабул қилиб бўлмас ҳолат», — дея Виейранинг сўзларини келтирмоқда Arsenal News.
Эслатиб ўтамиз, «Арсенал» аввалроқ Лига Кубоги финалида «Манчестер Сити»га 2:0 ҳисобида имкониятни бой берган эди. Ҳозирда Лондон клуби иккита асосий соврин — Чемпионлар Лигаси ва Англия чемпионати учун курашни давом эттирмоқда.
