Yarim himoyachi Iv Bissuma katta ehtimol bilan joriy mavsum yakunlanganidan keyin "Tottenxem"ni tark etadi.

Football FanCast nashrining ma’lumotlariga ko‘ra, futbolchi London klubi murabbiylarining o‘ziga bo‘lgan munosabatidan norozi. U shu yozda jamoadan ketish uchun "shporlar" bilan shartnomani uzaytirish bandidan voz kechmoqchi.

Bundan tashqari, Bissuma bir necha bor haftasiga 55 ming funt sterlingni tashkil etuvchi maoshini oshirishni so‘ragan, biroq klub rahbariyati buni rad etgan.

Iv Bissuma 2022 yilda "Brayton"dan 29 million yevro evaziga "Tottenxem"ga o‘tgan edi. Uning amaldagi shartnomasi 2026 yilning 30 iyunigacha mo‘ljallangan. Joriy mavsumda yarim himoyachi "shporlar" safida bor-yo‘g‘i 8 ta o‘yinda maydonga tushdi va birorta ham natijali harakatni amalga oshirmadi.