Dortmundning «Borussiya» klubi hujumchisi Seru Girassi mavsum yakunlanganidan keyin jamoani tark etishni rejalashtirmoqda, deb xabar bermoqda Sport Bild nashri.

So‘nggi haftalarda o‘tkazilgan bir qator muzokaralar natijasida, agar munosib taklif tushsa, futbolchining ketishiga ruxsat berishga qaror qilindi. Girassining akasi va maslahatchisi Karamba allaqachon transfer bozoridagi variantlarni o‘rganishni boshlagan.

Futbolchiga qiziqish bildirayotgan klublar qatorida «Fenerbaxche», «Milan», «Tottenxem» va Saudiya Arabistoni jamoalari tilga olinmoqda.

30 yoshli forvardning amaldagi shartnomasi 2028 yilgacha mo‘ljallangan. Shartnomada 35 million yevro miqdoridagi tovon puli haqidagi band mavjud bo‘lib, u faqat iyul oyidan boshlab kuchga kiradi. Unga qadar esa potensial transfer summasi erkin muhokama qilinishi mumkin.