«Inter» so‘nggi 5 ta o‘yin ichida ilk g‘alabasini qo‘lga kiritdi.

A Seriyaning 31-turida Kristian Kivu shogirdlari «Roma»ni 5:2 hisobida mag‘lub etishdi.

Bunga qadar barcha musobaqalardagi to‘rtta o‘yinda «Inter» uch marta durang o‘ynagan va «Milan»ga imkoniyatni boy bergandi (0:1). «Neradzurri» 28 fevral kuni «Jenoa»ni mag‘lub etganidan (2:0) beri g‘alaba qozona olmayotgan edi.

«Inter» 72 ochko bilan A Seriya jadvalida peshqadamlik qilmoqda va bitta zaxira o‘yiniga ega bo‘lgan «Milan»ni 9 ochkoga ortda qoldirmoqda.