Italiyalik nufuzli jurnalist Nikolo Skiraning ishonch bildirishicha, Massimiliano Allegri "Real" yoki Italiya terma jamoasi haqidagi gap-so‘zlarga qaramay, "Milan"ni tark etmaydi. Biroq Skiraning fikricha, Allegri bu qiziqishlardan "Milan"dagi o‘z ta’sirini kuchaytirish uchun foydalanmoqda.
"Bu qiziqishlar Allegrining o‘z-o‘ziga bo‘lgan ishonchini oshirmoqda. U taxminan shunday fikrlamoqda: "Menda hammasi yaxshi ketmoqda, lekin yozda ko‘proq ta’sir kuchiga ega bo‘lishni va o‘zimga kerakli o‘yinchilarni o‘zim tanlashni xohlayman", — deya Skiraning so‘zlaridan iqtibos keltiradi pianetamilan.it.
Eslatib o‘tamiz, o‘tmishda Allegri Turinning "Yuventus" klubini juda muvaffaqiyatli boshqargan — uning boshchiligidagi jamoa bir necha yil davomida Italiyada hukmronlik qilgan edi. Hozirda "Milan" A Seriya turnir jadvalida ikkinchi o‘rinni egallab turibdi.
