Италиялик нуфузли журналист Николо Скиранинг ишонч билдиришича, Массимилиано Аллегри "Реал" ёки Италия терма жамоаси ҳақидаги гап-сўзларга қарамай, "Милан"ни тарк этмайди. Бироқ Скиранинг фикрича, Аллегри бу қизиқишлардан "Милан"даги ўз таъсирини кучайтириш учун фойдаланмоқда.
"Бу қизиқишлар Аллегрининг ўз-ўзига бўлган ишончини оширмоқда. У тахминан шундай фикрламоқда: "Менда ҳаммаси яхши кетмоқда, лекин ёзда кўпроқ таъсир кучига эга бўлишни ва ўзимга керакли ўйинчиларни ўзим танлашни хоҳлайман", — дея Скиранинг сўзларидан иқтибос келтиради pianetamilan.it.
Эслатиб ўтамиз, ўтмишда Аллегри Туриннинг "Ювентус" клубини жуда муваффақиятли бошқарган — унинг бошчилигидаги жамоа бир неча йил давомида Италияда ҳукмронлик қилган эди. Ҳозирда "Милан" А Серия турнир жадвалида иккинчи ўринни эгаллаб турибди.
