Turinning «Yuventus» klubi ayni damda Saudiyaning «Al-Hilol» jamoasida to‘p surayotgan urugvaylik hujumchi Darvin Nunyesni o‘z safiga qo‘shib olish imkoniyatini ko‘rib chiqmoqda. Jurnalist Janluka Di Marsio o‘zining X ijtimoiy tarmog‘idagi sahifasida xabar berishicha, 26 yoshli forvard Dushan Vlaxovichga munosib raqobatchi qidirayotgan «Yuventus» uchun ustuvor maqsadga aylangan.

Nunyes 2025 yilning yozida «Liverpul»dan «Al-Hilol»ga 53 million yevro evaziga o‘tgan edi. Ushbu klubdagi faoliyati davomida u 24 ta o‘yinda maydonga tushib, 16 ta gol urdi va 3 ta golli uzatmani amalga oshirdi. Biroq, jamoaga hujumchi Karim Benzema kelib qo‘shilganidan so‘ng, o‘yin amaliyotining kamayishi va asosiy tarkibdagi o‘rnini yo‘qotgani urugvaylik futbolchini klubini o‘zgartirish haqida o‘ylashga majbur qildi.

Nunyesning «Al-Hilol» bilan shartnomasi 2028 yilgacha mo‘ljallangan. Transfermarkt ma’lumotlariga ko‘ra, uning bozor qiymati hozirda 25 million yevroni tashkil etadi.