Londonning «Arsenal» klubi darvozaboni David Rayya Lissabonning «Sporting» jamoasiga qarshi Chempionlar Ligasi chorak finalining dastlabki o‘yini oldidan o‘z fikrlarini bildirdi. Uchrashuv 7 aprel kuni «Joze Alvalade» stadionida bo‘lib o‘tadi.
«Ikkita mag‘lubiyat haqida gap-so‘zlar bo‘ladi, ammo biz bu o‘yinga nimalarga qodirligimizni ko‘rsatish imkoniyati sifatida qarashimiz kerak. Juda muhim uchrashuv, biz yaxshi kayfiyatdamiz», — deya darvozabonning so‘zlarini keltiradi UEFA sayti.
Avvalroq «Arsenal» Angliya liga kubogi finalida «Manchester Siti»ga (0:2) imkoniyatni boy bergan va Angliya kubogi chorak finalida «Sautgempton»dan (1:2) yengilib, musobaqani tark etgan edi.
