Лондоннинг «Арсенал» клуби дарвозабони Давид Райя Лиссабоннинг «Спортинг» жамоасига қарши Чемпионлар Лигаси чорак финалининг дастлабки ўйини олдидан ўз фикрларини билдирди. Учрашув 7 апрель куни «Жозе Алваладе» стадионида бўлиб ўтади.
«Иккита мағлубият ҳақида гап-сўзлар бўлади, аммо биз бу ўйинга нималарга қодирлигимизни кўрсатиш имконияти сифатида қарашимиз керак. Жуда муҳим учрашув, биз яхши кайфиятдамиз», — дея дарвозабоннинг сўзларини келтиради УЕФА сайти.
Аввалроқ «Арсенал» Англия лига кубоги финалида «Манчестер Сити»га (0:2) имкониятни бой берган ва Англия кубоги чорак финалида «Саутгемптон»дан (1:2) енгилиб, мусобақани тарк этган эди.
