"Real" klub telekanalida hakamlik mavzusiga bag‘ishlangan ko‘rsatuv efirga chiqdi. Madrid klubi hakamlar o‘xshash vaziyatlarni turlicha baholamoqda, deb hisoblaydi.
"Qaymoqranglilar" yaqinda "Atletiko"ga qarshi kechgan derbida Federiko Valverdening maydondan chetlatilishini yodga olishdi. O‘shanda urugvaylik futbolchi to‘g‘ridan-to‘g‘ri qizil kartochka olgan va VAR jarayonga aralashmagan edi. Ammo o‘tgan dam olish kunlari VAR yordamida "Barselona" himoyachisi Jerar Martinga berilgan qizil kartochka bekor qilindi.
"Valverdening chetlatilishi VAR orqali qayta ko‘rib chiqilmadi. Jerar Martin bilan bog‘liq vaziyat esa ko‘rib chiqildi. Bir holatda — ha, boshqasida esa — yo‘q. Nima uchun?" — deyiladi ko‘rsatuvda.
Eslatib o‘tamiz, "Real" La Liga turnir jadvalida peshqadam "Barselona"dan yetti ochko orqada qolmoqda.
