"Реал" клуб телеканалида ҳакамлик мавзусига бағишланган кўрсатув эфирга чиқди. Мадрид клуби ҳакамлар ўхшаш вазиятларни турлича баҳоламоқда, деб ҳисоблайди.
"Қаймоқранглилар" яқинда "Атлетико"га қарши кечган дербида Федерико Вальверденинг майдондан четлатилишини ёдга олишди. Ўшанда уругвайлик футболчи тўғридан-тўғри қизил карточка олган ва ВАР жараёнга аралашмаган эди. Аммо ўтган дам олиш кунлари ВАР ёрдамида "Барселона" ҳимоячиси Жерар Мартинга берилган қизил карточка бекор қилинди.
"Вальверденинг четлатилиши ВАР орқали қайта кўриб чиқилмади. Жерар Мартин билан боғлиқ вазият эса кўриб чиқилди. Бир ҳолатда — ҳа, бошқасида эса — йўқ. Нима учун?" — дейилади кўрсатувда.
Эслатиб ўтамиз, "Реал" Ла Лига турнир жадвалида пешқадам "Барселона"дан етти очко орқада қолмоқда.
