Germaniyaning «Bavariya» jamoasi hujumchisi Xarri Keyn Chempionlar ligasida Madridning «Real» jamoasiga qarshi o‘tgan so‘nggi to‘rtta o‘yinda gol yoki golli uzatma muallifi bo‘ldi. Ushbu seriya davomida u 2 ta gol urib, 2 ta assist amalga oshirgan. Bu mazkur musobaqada «Real Madrid»ga qarshi o‘yinlarda uning eng uzun samarali seriyasi hisoblanadi.
Ma’lum qilinishicha, bunday natijaga avval Jovane Elber (2002 yil) va Pyer-Emerik Obameyang (2017 yil) erishgan.
7 aprel kuni «Bavariya» mehmonda «Real Madrid»ni Chempionlar ligasi chorak finali ilk o‘yinida 2:1 hisobida mag‘lub etdi.













