Madridning "Atletiko" jamoasi hujumchisi Xulian Alvares Chempionlar ligasi chorak finalining dastlabki bahsida "Barselona" ustidan qozonilgan g‘alabadan (2:0) so‘ng o‘z fikrlari bilan o‘rtoqlashdi.

"Bu hali oxiri emas. Oldinda yana 90 daqiqa bor. Bizda ustunlik mavjud, biroq o‘z muxlislarimiz qarshisida kechadigan uy uchrashuvida ishni oxiriga yetkazib qo‘yishimiz kerak. Bu oson bo‘lmaydi. Qattiq ishlashimiz va e’tiborni o‘z o‘yinimizga qaratishimiz lozim. Biz qadamma-qadam o‘zimiz istagan maqsad sari intilmoqdamiz", – dedi intervyuda uchrashuvning eng yaxshi futbolchisi deb topilgan Alvares.