«Liverpul» xo‘jayinlari bosh murabbiyni almashtirish borasida keskin choralar ko‘rishni istamayapti va Arne Slotga yana bir imkoniyat berish tarafdori.

Mutaxassisning klub bilan shartnomasi 2026/2027 yilgi mavsum yakunigacha (2027 yil 30 iyun) mo‘ljallangan, shu sababli kelasi mavsum uning taqdiri uchun hal qiluvchi ahamiyatga ega bo‘ladi, deb xabar bermoqda The Telegraph.

Fenway Sports Group jamoaning joriy mavsumdagi muvaffaqiyatsizliklariga Slotga bog‘liq bo‘lmagan bir qancha omillar yig‘indisi sabab bo‘lgan deb hisoblaydi: Diogu Jotaning vafoti, Muhammad Salohning o‘yinidagi pasayish va moslashish uchun vaqt talab etadigan ko‘plab yangi futbolchilarning kelib qo‘shilgani.

31-turdan so‘ng «Liverpul» 49 ochko bilan APL turnir jadvalida beshinchi o‘rinni egallab turibdi. Chempionlar ligasi chorak finalining dastlabki bahsida jamoa safarda «PSJ»ga imkoniyatni boy berdi (0:2), avvalroq esa Angliya Kubogida «Manchester Siti»dan yirik hisobda mag‘lubiyatga uchragan edi (0:4).