Yarim himoyachi Eduardo Kamavinga — kelayotgan yozda Madridning «Real» klubini tark etishi mumkin bo‘lgan asosiy nomzodlardan biri.

Turli manbalarning bir necha bor bergan xabarlariga ko‘ra, «qaymoqranglilar» mavsum yakunlanganidan keyin fransuz bo‘yicha takliflarni ko‘rib chiqishga tayyor. Jurnalist Pedru Almeydaning ta’kidlashicha, yarim himoyachining transferiga Angliyaning «Liverpul» klubi «juda qiziqish bildirmoqda». Bundan avval 23 yoshli futbolchiga Premyer-liganing boshqa grandlari ham qiziqayotgani aytilgan edi.

Transfermarkt talqiniga ko‘ra, Eduardo Kamavinganing narxi 50 mln yevroni tashkil etadi. O‘yinchining «qirollik klubi» bilan shartnomasi 2029 yilning o‘rtalariga qadar mo‘ljallangan.