Ярим ҳимоячи Эдуардо Камавинга — келаётган ёзда Мадриднинг «Реал» клубини тарк этиши мумкин бўлган асосий номзодлардан бири.
Турли манбаларнинг бир неча бор берган хабарларига кўра, «қаймоқранглилар» мавсум якунланганидан кейин француз бўйича таклифларни кўриб чиқишга тайёр. Журналист Педру Алмейданинг таъкидлашича, ярим ҳимоячининг трансферига Англиянинг «Ливерпуль» клуби «жуда қизиқиш билдирмоқда». Бундан аввал 23 ёшли футболчига Премьер-лиганинг бошқа грандлари ҳам қизиқаётгани айтилган эди.
Transfermarkt талқинига кўра, Эдуардо Камавинганинг нархи 50 млн еврони ташкил этади. Ўйинчининг «қироллик клуби» билан шартномаси 2029 йилнинг ўрталарига қадар мўлжалланган.
