Myunxenning «Bavariya» klubi ustozi Vensan Kompani jamoa markaziy hujumchisi Xarri Keyn Chempionlar ligasi chorak finalining «Real Madrid»ga qarshi dastlabki uchrashuvida og‘riq bilan o‘ynaganini ma’lum qildi.
«Keyn chidab bo‘lmas darajadagi og‘riqni his qilayotgan edi. Ammo ertasi kuni hammasi joyiga tushdi. Bu juda yaxshi. Birinchi o‘yindan keyin Xarrining holati yaxshi», — deya belgiyalik mutaxassisning so‘zlarini keltirmoqda ESPN.
Eslatib o‘tamiz, Myunxen jamoasi safarda «qirollik klubi»ni 2:1 hisobida mag‘lub etgan edi. Keyn «Bavariya»ning gollaridan biriga mualliflik qildi.
Javob uchrashuvi 15 aprel kuni Myunxendagi stadionda bo‘lib o‘tadi.
