«Liverpul» bosh murabbiyi Arne Slot 17 yoshli hujumchi Rio Ngumohaning Chempionlar ligasi chorak finali doirasidagi «PSJ»ga qarshi javob uchrashuvida maydonga tushish ehtimoli pastligiga shama qildi.
Kuni kecha Ngumoxa asosiy tarkibda debyut qildi va APL 32-turidan o‘rin olgan «Fulxem»ga qarshi o‘yinda hisobni ochuvchi gol muallifiga aylandi.
«Umuman olganda, seshanba kungi bahsni aytmasak ham, 17 yoshli futbolchi olti kun ichida uchta o‘yinda qatnasha oladi deb kutish biroz reallikdan uzoq yondashuvdir. Ayniqsa, Parijda bo‘lgan va u yerdagi keskin muhitni o‘z ko‘zi bilan ko‘rganlar uchun», — deya mutaxassisning so‘zlarini keltirmoqda mersisaydliklar klub matbuot xizmati.
Uchrashuv «Liverpul»ning 2:0 hisobidagi g‘alabasi bilan yakunlandi. Tanaffusga qadar Muhammad Saloh mezbonlarning ustunligini mustahkamlovchi golni kiritdi.
32 ta o‘yindan so‘ng «Liverpul» turnir jadvalida beshinchi o‘rinni egallab turibdi va hozircha Chempionlar ligasi zonasidan tashqarida qolmoqda.
