«Napoli» ustozi Antonio Konte Italiya terma jamoasini boshqarishga tayyormi yoki yo‘qligi haqidagi jurnalistlar savollariga javob berdi. Bu haqdagi mish-mishlar italiyaliklarning navbatdagi muvaffaqiyatsizligi — Jahon chempionatiga yo‘llanmani qo‘lga kirita olmaganidan so‘ng paydo bo‘ldi. Terma jamoaning avvalgi murabbiyi Jennaro Gattuzo iste’foga chiqdi.
«Men hech kimga hech narsa va’da qilganim yo‘q. Mening «Napoli» bilan shartnomam bor va faqat u tugaganidan keyingina biror nima deyishim mumkin. Lekin, balki mavsum yakunida klub prezidenti bilan gaplashib ko‘rarman», — deya Kontening so‘zlarini keltirmoqda calcionapoli1926.it.
Konte 2024 yildan beri «Napoli»ni boshqarib kelmoqda. U avval ham Italiya milliy terma jamoasida murabbiylik qilgan edi.













