«Наполи» устози Антонио Конте Италия терма жамоасини бошқаришга тайёрми ёки йўқлиги ҳақидаги журналистлар саволларига жавоб берди. Бу ҳақдаги миш-мишлар италияликларнинг навбатдаги муваффақиятсизлиги — Жаҳон чемпионатига йўлланмани қўлга кирита олмаганидан сўнг пайдо бўлди. Терма жамоанинг аввалги мураббийи Женнаро Гаттузо истеъфога чиқди.
«Мен ҳеч кимга ҳеч нарса ваъда қилганим йўқ. Менинг «Наполи» билан шартномам бор ва фақат у тугаганидан кейингина бирор нима дейишим мумкин. Лекин, балки мавсум якунида клуб президенти билан гаплашиб кўрарман», — дея Контенинг сўзларини келтирмоқда calcionapoli1926.it.
Конте 2024 йилдан бери «Наполи»ни бошқариб келмоқда. У аввал ҳам Италия миллий терма жамоасида мураббийлик қилган эди.
