«Barselona» yangi hujumchi sotib olish maqsadida keng ko‘lamli transfer rejasini ishlab chiqdi. Kataloniya klubi «Galatasaroy»dan Viktor Osimxenni o‘z safiga qo‘shib olmoqchi. Bu haqda Afrik-foot nashri xabar bermoqda.
Manbaning ma’lumotlariga ko‘ra, «Barselona» Osimxenning transferi uchun mablag‘ yig‘ish maqsadida besh nafar futbolchisini sotib yuborishga tayyor. Klubni tark etishi mumkin bo‘lgan nomzodlar: Robert Levandovski, Frenki de Yong, Ferran Torres, Mark Kasado va Jyul Kunde.
Viktor Osimxen «Galatasaroy» safida jami 70 ta o‘yin o‘tkazdi. Ushbu bahslarda hujumchi 56 ta gol urdi va 15 ta golli uzatmani amalga oshirdi.
