«Lester Siti»ning yosh vingeri Jeremi Mongaga Angliya Premyer-ligasining bir yo‘la bir nechta top-klublari qiziqish bildirmoqda.

TEAMtalk nashrining xabar berishicha, Angliya chempionati jamoalarining qariyb yarmi 16 yoshli futbolchini sotib olish imkoniyatini ko‘rib chiqmoqda. Asosiy da’vogarlar qatorida «Manchester Yunayted», «Arsenal» va «Manchester Siti» nomlari tilga olinmoqda — ushbu klublar rasmiy taklif yuborishga tayyor.

Monga allaqachon tarixga kirishga ulgurdi: u 15 yosh-u 271 kunligida maydonga tushib, Premyer-liga debyutantlari orasida ikkinchi eng yosh futbolchiga aylandi. «Lester»ning Chempionshipdan tushib ketish xavfi ostida turgani sababli, uning kelajagiga bo‘lgan qiziqish yanada ortdi.

Qayd etilishicha, futbolchi atrofidagi vaziyatni, shuningdek, «Liverpul», «Tottenxem», «Nyukasl», «Aston Villa», «Brayton» va «Brentford» klublari ham diqqat bilan kuzatib bormoqda.