Noa Okaforning ikkita goli «Lids»ga «Old Trafford»da g‘alaba keltirdi — mehmonlar «Manchester Yunayted»ni mag‘lub etishdi. Shveysariyalik futbolchi yangi xo‘jayinlariga o‘zini ko‘rsata olganidan juda xursand, zero u klub safida yil boshidan buyon to‘p surib kelmoqda.
«O‘ylaymanki, jamoaga foydali bo‘la olishimni ko‘rsatdim. Erishgan muvaffaqiyatim va umuman g‘alabamizdan faxrlanaman. Barchaga — har bir futbolchi va klubning har bir vakiliga o‘z minnatdorchiligimni bildiraman. Biz oxirigacha kurashdik va buni uddaladik», — deya futbolchining so‘zlarini keltiradi BBC Sport.
Eslatib o‘tamiz, Okafor avvalroq Italiyaning «Milan» klubi sharafini himoya qilgan. Hozirda «Lids» Angliya chempionati turnir jadvalida o‘n beshinchi o‘rinni egallab turibdi.
