Ноа Окафорнинг иккита голи «Лидс»га «Олд Траффорд»да ғалаба келтирди — меҳмонлар «Манчестер Юнайтед»ни мағлуб этишди. Швейцариялик футболчи янги хўжайинларига ўзини кўрсата олганидан жуда хурсанд, зеро у клуб сафида йил бошидан буён тўп суриб келмоқда.
«Ўйлайманки, жамоага фойдали бўла олишимни кўрсатдим. Эришган муваффақиятим ва умуман ғалабамиздан фахрланаман. Барчага — ҳар бир футболчи ва клубнинг ҳар бир вакилига ўз миннатдорчилигимни билдираман. Биз охиригача курашдик ва буни уддаладик», — дея футболчининг сўзларини келтиради BBC Sport.
Эслатиб ўтамиз, Окафор аввалроқ Италиянинг «Милан» клуби шарафини ҳимоя қилган. Ҳозирда «Лидс» Англия чемпионати турнир жадвалида ўн бешинчи ўринни эгаллаб турибди.
