«Napoli» klubi hujumchi Romelu Lukakuni mashg‘ulotlardan va asosiy tarkib o‘yinlaridan chetlatishni rejalashtirmoqda.

Hujumchi haligacha Belgiyadan qaytgani yo‘q. U chanoq-son bo‘g‘imidagi yallig‘lanishni davolash uchun o‘z vatanida qolishga qaror qilgan edi. Neapolliklar klub rahbariyatining ta’kidlashicha, futbolchi baribir klub qarorgohiga yetib kelishi shart.

Klub boshliqlari Lukakuga rahbariyat va murabbiylar shtabiga vaziyatni tushuntirib berish imkoniyatini taqdim etmoqchi. Biroq, agar bu amalga oshmasa yoki uning tushuntirishlari klubni qoniqtirmasa, Lukaku jamoadan chetlatiladi.

2025/2026 yilgi mavsumda belgiyalik futbolchi barcha turnirlarda bor-yo‘g‘i yettita o‘yinda maydonga tushib, bitta gol urdi. 32 yoshli o‘yinchining bozor qiymati 12 million yevroga baholanmoqda.