«Liverpul» himoyachisi Ibraima Konate «PSJ»ga qarshi javob uchrashuvida Aleksis Mak Allisterga nisbatan belgilangan penalti bekor qilinmasligi kerak edi, deb hisoblaydi.
Chempionlar ligasi chorak finalidan o‘rin olgan javob bahsida «Liverpul» «PSJ»ga 0:2 hisobida imkoniyatni boy berdi (birinchi o‘yin — 0:2). Uchrashuvning 64-daqiqasida, hisob 0:0 bo‘lib turgan paytda, mersisaydliklar yarim himoyachisi Aleksis Mak Allister raqib jarima maydonchasida Vilyan Pacho bilan to‘qnashuvdan so‘ng yiqildi va 11 metrlik jarima zarbasi belgilandi. Biroq bosh hakam Maurisio Mariani videoassistentlar maslahati bilan vaziyatni monitorda ko‘rib chiqqach, penaltini bekor qildi.
«Menimcha, bu toza penalti edi. Men hakamning orqasida turgandim. Agar penalti berilib, biz undan foydalanganimizda, hammasi butunlay boshqacha tus olishi mumkin edi», — dedi Konate Amazon Prime Video’ga bergan intervyusida.
