«Ливерпуль» ҳимоячиси Ибраима Конате «ПСЖ»га қарши жавоб учрашувида Алексис Мак Аллистерга нисбатан белгиланган пенальти бекор қилинмаслиги керак эди, деб ҳисоблайди.
Чемпионлар лигаси чорак финалидан ўрин олган жавоб баҳсида «Ливерпуль» «ПСЖ»га 0:2 ҳисобида имкониятни бой берди (биринчи ўйин — 0:2). Учрашувнинг 64-дақиқасида, ҳисоб 0:0 бўлиб турган пайтда, мерсисайдликлар ярим ҳимоячиси Алексис Мак Аллистер рақиб жарима майдончасида Вильян Пачо билан тўқнашувдан сўнг йиқилди ва 11 метрлик жарима зарбаси белгиланди. Бироқ бош ҳакам Маурицио Мариани видеоассистентлар маслаҳати билан вазиятни мониторда кўриб чиққач, пенальтини бекор қилди.
«Менимча, бу тоза пенальти эди. Мен ҳакамнинг орқасида тургандим. Агар пенальти берилиб, биз ундан фойдаланганимизда, ҳаммаси бутунлай бошқача тус олиши мумкин эди», — деди Конате Amazon Prime Video’га берган интервьюсида.
