Angliya terma jamoasi sobiq futbolchisi Gari Lineker yulduzli Krishtianu Ronaldu ijtimoiy tarmoqlardan birida unga «otpiska» berganini ma’lum qildi.
«Krishtianu Ronaldu meni yoqtirmaydi. Men uni xafa qilganim yo‘q, faqat Messini kuchliroq futbolchi deb hisoblashimni ochiq aytganman. Shundan so‘ng u sahifamni tark etdi. Buni to‘g‘ri tushunaman va unga doim hurmat bilan qarayman. Bilaman, u mendan xafa, lekin bu normal holat. Krishtianu, menga qo‘ng‘iroq qil, yana do‘st bo‘lib qolaylik», — deya Linekerning so‘zlarini keltiradi Goal nashri.
Eslatib o‘tamiz, ayni damda 41 yoshda bo‘lgan va Saudiya Arabistonining «An-Nasr» klubida to‘p tepayotgan portugaliyalik yulduz faoliyati davomida besh bor «Oltin to‘p»ni qo‘lga kiritgan.
