Англия терма жамоаси собиқ футболчиси Гари Линекер юлдузли Криштиану Роналду ижтимоий тармоқлардан бирида унга «отписка» берганини маълум қилди.
«Криштиану Роналду мени ёқтирмайди. Мен уни хафа қилганим йўқ, фақат Мессини кучлироқ футболчи деб ҳисоблашимни очиқ айтганман. Шундан сўнг у саҳифамни тарк этди. Буни тўғри тушунаман ва унга доим ҳурмат билан қарайман. Биламан, у мендан хафа, лекин бу нормал ҳолат. Криштиану, менга қўнғироқ қил, яна дўст бўлиб қолайлик», — дея Линекернинг сўзларини келтиради Goal нашри.
Эслатиб ўтамиз, айни дамда 41 ёшда бўлган ва Саудия Арабистонининг «Ан-Наср» клубида тўп тепаётган португалиялик юлдуз фаолияти давомида беш бор «Олтин тўп»ни қўлга киритган.
