«Tottenxem» himoyachisi Kristian Romero shu yozda klubdagi faoliyatini yakunlab, boshqa jamoaga o‘tmoqchi. Argentinalik futbolchining bu qarori haqida fichajes.net nashri xabar bermoqda.
Argentina terma jamoasi a’zosiga Madridning «Real» va «Atletiko» klublari jiddiy qiziqish bildirmoqda. «Shporlar» rahbariyati esa allaqachon Romeroga o‘rinbosar qidirishni boshlab yuborgan. Xabarlarga ko‘ra, londonliklar himoyadan hujumlarni tashkil etishda yetakchilikni o‘z zimmasiga ola biladigan, texnik jihatdan kuchli futbolchi bilan shartnoma imzolamoqchi.
Hozirgi vaqtda «Tottenxem» Premyer-liga turnir jadvalida 18-o‘rinni egallab, juda qaltis vaziyatda turibdi. Shu sababli, klubning transfer bozoridagi har qanday faolligi jamoaning Chempionshipga tushib ketmasligiga bog‘liq bo‘ladi.
