«Тоттенхэм» ҳимоячиси Кристиан Ромеро шу ёзда клубдаги фаолиятини якунлаб, бошқа жамоага ўтмоқчи. Аргентиналик футболчининг бу қарори ҳақида fichajes.net нашри хабар бермоқда.
Аргентина терма жамоаси аъзосига Мадриднинг «Реал» ва «Атлетико» клублари жиддий қизиқиш билдирмоқда. «Шпорлар» раҳбарияти эса аллақачон Ромерога ўринбосар қидиришни бошлаб юборган. Хабарларга кўра, лондонликлар ҳимоядан ҳужумларни ташкил этишда етакчиликни ўз зиммасига ола биладиган, техник жиҳатдан кучли футболчи билан шартнома имзоламоқчи.
Ҳозирги вақтда «Тоттенхэм» Премьер-лига турнир жадвалида 18-ўринни эгаллаб, жуда қалтис вазиятда турибди. Шу сабабли, клубнинг трансфер бозоридаги ҳар қандай фаоллиги жамоанинг Чемпионшипга тушиб кетмаслигига боғлиқ бўлади.
