«Tottenxem» Angliya chempionatining 33-turi doirasida o‘z maydonida «Brayton» bilan durang o‘ynadi — 2:2.
Mezbonlar safida Xavi Simons bitta gol va bitta golli uzatmani o‘z hisobiga yozib qo‘ydi. Mehmonlardan esa gollarga Kaoru Mitoma va hakam tomonidan qo‘shib berilgan vaqtda jamoasini mag‘lubiyatdan qutqarib qolgan Jorjinyo Ryutter mualliflik qildi.
Ushbu natijadan so‘ng «Tottenxem» 31 ochko jamg‘argan holda APL turnir jadvalida 18-o‘rinda qoldi. «Brayton» esa 47 ochko bilan 9-pog‘onani egallab turibdi.
APLning 34-turida «Tottenxem» safarda «Vulverxempton» bilan kuch sinashadi, «Brayton» esa o‘z uyida «Chelsi»ni qabul qiladi.
«TOTTENXEM» — «BRAYTON» — 2:2
Gollar: Pedro Porro 39 (1:0), Kaoru Mitoma 45+3 (1:1), Xavi Simons 77 (2:1), Jorjinyo Ryutter 90+5 (2:2).
«Tottenxem»: Kinski, Danso, van de Ven, Udodji (Spens, 76), Porro, Bentankur (Palinya, 67), Bissuma (Grey, 57), Gallaxer (Bergvall, 76), Simons, Kolo Muani (Tel, 57), Solanke.
«Brayton»: Verbryuggen, van Xekke, Boskali, Ferdi Kadioglu, Viffer, Ayyari (Kostulas, 82), Gros, Xinshelvud (De Keyper, 75), Minte, Gomes (Mitoma, 20; Ryutter, 75), Uelbek (O`Rayli, 75).
Ogohlantirishlar: Bissuma (34), Danso (65), Simons (78) — Viffer (37).
