Angliyaning «Nyukasl» klubi va Italiya terma jamoasi xavbeki Sandro Tonali «skuadra adzurra»ning 2026 yilgi Jahon chempionatiga chiqa olmagani haqida fikr bildirdi. Italiya terma jamoasi ketma-ket uchinchi bor mundialni o‘tkazib yuboradigan bo‘ldi.
«Bu faoliyatimdagi eng yomon lahzalardan biri. Biz juda qattiq tushkunlikka tushdik, chunki Italiya ketma-ket uchinchi Jahon chempionatida ishtirok etmaydigan bo‘ldi. Buni qabul qilish juda og‘ir edi. O‘yindan keyingi bir necha kun men uchun juda murakkab kechdi. Men uydan ko‘chaga chiqmadim», — deya yarim himoyachining so‘zlarini Sky Sport nashri keltirmoqda.
