"Chelsi" o‘z maydonida Angliya Premyer-ligasining 33-turi doirasida "Manchester Yunayted"ga 0:1 hisobida imkoniyatni boy berdi.

Jurnalist Kiran Gillning ma’lumotlariga ko‘ra, London klubi bosh murabbiyi Liam Rosenyor uchrashuv yakunlangach, "ko‘klar" muxlislariga minnatdorchilik bildirish uchun "Stemford Bridj"dagi Metyu Xarding tribunasiga yaqinlashgan. Biroq, "Chelsi" fanatlari bunga javoban murabbiyga hushtakbozlik qilishgan va haqoratli ishoralar ko‘rsatishgan.

Hozirgi vaqtda "Chelsi" Angliya chempionati turnir jadvalida 33 turdan so‘ng 48 ochko to‘plagan holda oltinchi o‘rinda bormoqda. London klubi APLdagi oxirgi to‘rtta o‘yinda mag‘lubiyatga uchradi va ularda birorta ham gol ura olmadi.