"Челси" ўз майдонида Англия Премьер-лигасининг 33-тури доирасида "Манчестер Юнайтед"га 0:1 ҳисобида имкониятни бой берди.
Журналист Киран Гиллнинг маълумотларига кўра, Лондон клуби бош мураббийи Лиам Росеньор учрашув якунлангач, "кўклар" мухлисларига миннатдорчилик билдириш учун "Стэмфорд Бридж"даги Мэтью Хардинг трибунасига яқинлашган. Бироқ, "Челси" фанатлари бунга жавобан мураббийга ҳуштакбозлик қилишган ва ҳақоратли ишоралар кўрсатишган.
Ҳозирги вақтда "Челси" Англия чемпионати турнир жадвалида 33 турдан сўнг 48 очко тўплаган ҳолда олтинчи ўринда бормоқда. Лондон клуби АПЛдаги охирги тўртта ўйинда мағлубиятга учради ва уларда бирорта ҳам гол ура олмади.













