Madridning «Real» klubi sobiq yarim himoyachisi Toni Kroos Laureus World Sports Awards-2026 taqdirlash marosimida dunyoning to‘rtinchi raketkasi, serbiyalik Novak Jokovichga bo‘lgan hurmatini izhor etdi.
«Men Jokovichga juda havas qilaman. U shunchalik ko‘p yutuqlarga erishgan, sovrinlar soni bo‘yicha Federer va Nadaldan o‘zib ketgan va hamon yuqori saviyada o‘ynashda davom etayotgan sportchidir. Uning o‘z tanasiga qanday g‘amxo‘rlik qilishi meni hayratda qoldiradi: yoshi 38 da bo‘lsa-da, u xuddi 25 yoshli tennischidek harakat qiladi. Uning o‘z faoliyati davomida qilgan ishlari shunchaki hayratlanarli», — deya Kroosning so‘zlaridan iqtibos keltiradi ESPN.
20 aprel kuni 36 yoshli germaniyalik futbolchi Madridda (Ispaniya) bo‘lib o‘tgan marosimda «Sport ilhomi» nominasiyasi bo‘yicha Laureus mukofotini qabul qilib oldi.













