Мадриднинг «Реал» клуби собиқ ярим ҳимоячиси Тони Кроос Laureus World Sports Awards-2026 тақдирлаш маросимида дунёнинг тўртинчи ракеткаси, сербиялик Новак Жоковичга бўлган ҳурматини изҳор этди.
«Мен Жоковичга жуда ҳавас қиламан. У шунчалик кўп ютуқларга эришган, совринлар сони бўйича Федерер ва Надалдан ўзиб кетган ва ҳамон юқори савияда ўйнашда давом этаётган спортчидир. Унинг ўз танасига қандай ғамхўрлик қилиши мени ҳайратда қолдиради: ёши 38 да бўлса-да, у худди 25 ёшли теннисчидек ҳаракат қилади. Унинг ўз фаолияти давомида қилган ишлари шунчаки ҳайратланарли», — дея Крооснинг сўзларидан иқтибос келтиради ESPN.
20 апрель куни 36 ёшли германиялик футболчи Мадридда (Испания) бўлиб ўтган маросимда «Спорт илҳоми» номинацияси бўйича Laureus мукофотини қабул қилиб олди.
