Каталониянинг "Барселона" клуби раҳбарияти жамоанинг ҳужумкор ярим ҳимоячиси Рафиньянинг келажаги борасида бир қарорга келди, дея хабар бермоқда Marca газетаси.
Испаниялик журналистларнинг берган маълумотларига кўра, "кўк-анорранглилар" ёзги трансфер ойнасида бразилиялик вингер билан хайрлашиш ниятида эмас. Рафинья Каталония гранди таркибидаги дахлсиз футболчилардан бири ҳисобланади.
29 ёшли бразилиялик футболчи 2022 йилнинг ёзидан буён "Барселона" шарафини ҳимоя қилиб келмоқда. Рафинья ва "кўк-анорранглилар" ўртасидаги меҳнат шартномаси 2028 йилнинг июнь ойи охирида якунига етади.
Transfermarkt портали экспертлари футболчининг бозор қийматини 70 миллион еврога баҳолашмоқда.
