Мадриднинг "Реал" клуби ярим ҳимоячиси Дани Себальос ҳозирча ҳеч қаерга кетмаяпти.
"Қаймоқранглилар" 29 ёшли футболчининг хизматларига эҳтиёж сезишмаяпти ва у билан шартномани муддатидан олдин бекор қилиш бўйича келишиб олмоқчи, бироқ ярим ҳимоячига бу вариант маъқул келмаяпти. El Chiringuito нашри тарқатган маълумотларга кўра, Себальос ҳамкорликни тўхтатишга розилик бериш ниятида эмас. Унинг амалдаги шартномаси кейинги йилнинг ўрталарига қадар мўлжалланган.
Дани Себальос 2017 йилдан буён "қироллик клуби" шарафини ҳимоя қилиб келади. Якунланган мавсумда испаниялик футболчи барча турнирларда жами 23 бор майдонга тушди ва самарали ҳаракатлари билан ажралиб тура олмади. Футболчининг Transfermarkt порталидаги баҳоси – 7 миллион евро.













