Хулиан Альвареснинг Мадриднинг "Атлетико" клубидан "Барселона"га ўтиши мумкинлиги ҳақидаги миш-мишлар тобора авж олмоқда.
"Матрасчилар"нинг ён беришдан қатъий бош тортишига қарамай, "кўк-анорранглилар" аргентиналик юлдуз футболчини ўз сафига қўшиб олиш ниятидан қайтмаяпти. Журналист Жота Жорди хабар беришича, воқеалар ривожида янги бурилиш келаси ҳафтадаёқ юз бериши мумкин. "Барса" 26 ёшли ҳужумчи борасида мадридликлар билан қайта музокара ўтказишга уриниб кўриши жуда эҳтимолли.
Хулиан Альвареснинг бозор қиймати Transfermarkt портали томонидан 100 миллион еврога баҳоланмоқда, бироқ "Атлетико" футболчи учун ундан анча кўпроқ маблағ талаб қилмоқда.
