«Manchester Siti» bosh murabbiyi Pep Gvardiola «Arsenal» ustidan qozonilgan g‘alabani nishonlagani uchun o‘z futbolchilariga nisbatan bildirilgan tanqidlarga javob qaytardi.
«Odamlar istagancha ahmoqona gaplarni gapirishlari mumkin. Ular g‘alabani nishonlashdi, chunki raqibning darajasini bilishadi. Agar g‘alaba qozonmasak, bu titul uchun kurash bilan «xayrlashish»ni anglatishini tushunib turishgandi. Ular yutishdi va biz hali ham o‘yindamiz. Qanday qilib buni nishonlamaslik mumkin? Raqibni va uning muxlislarini qanchalik hurmat qilmang, istagancha bayram qilishingiz mumkin.
Albatta, agar hafta o‘rtasida boshqa bir raqibni 3:0 yoki 4:0 hisobida yutganimizda, bunday nishonlamagan bo‘lardik. Bu qanday o‘yin ekanligini hamma bilardi, bu final edi. Ayniqsa biz uchun. Balki ular uchun emasdir, lekin biz uchun bu final edi va albatta buni nishonlash kerak», — dedi Gvardiola.
