«Манчестер Сити» бош мураббийи Пеп Гвардиола «Арсенал» устидан қозонилган ғалабани нишонлагани учун ўз футболчиларига нисбатан билдирилган танқидларга жавоб қайтарди.

«Одамлар истаганча аҳмоқона гапларни гапиришлари мумкин. Улар ғалабани нишонлашди, чунки рақибнинг даражасини билишади. Агар ғалаба қозонмасак, бу титул учун кураш билан «хайрлашиш»ни англатишини тушуниб туришганди. Улар ютишди ва биз ҳали ҳам ўйиндамиз. Қандай қилиб буни нишонламаслик мумкин? Рақибни ва унинг мухлисларини қанчалик ҳурмат қилманг, истаганча байрам қилишингиз мумкин.

Албатта, агар ҳафта ўртасида бошқа бир рақибни 3:0 ёки 4:0 ҳисобида ютганимизда, бундай нишонламаган бўлардик. Бу қандай ўйин эканлигини ҳамма биларди, бу финал эди. Айниқса биз учун. Балки улар учун эмасдир, лекин биз учун бу финал эди ва албатта буни нишонлаш керак», — деди Гвардиола.