«Chelsi» so‘nggi o‘n yil ichida o‘ninchi murabbiyi bilan xayrlashdi.
London klubi bugun Liam Rocenmorni iste’foga chiqardi. 41 yoshli mutaxassis jamoada bor-yo‘g‘i 100 kundan sal ko‘proq faoliyat yuritdi. 2016 yilning boshidan buyon «ko‘klar»ni Gus Xiddink, Antonio Konte, Maurisio Sarri, Frenk Lempard, Tomas Tuxel, Grem Potter, Maurisio Pochettino va Enso Mareska kabi murabbiylar boshqarishga ulgurdi (vaqtinchalik bosh murabbiy vazifasini bajaruvchilar hisobga olinmagan).
Ushbu yillar davomida «Chelsi» Angliya chempionati va Kubogi, Chempionlar ligasi, Yevropa ligasi, Konferensiyalar ligasi, UYEFA Superkubogi hamda klublar o‘rtasidagi Jahon chempionatida (ikki marta) g‘olib chiqdi.













