Harri Keyn Germaniya Kubogining joriy mavsumidagi yettinchi golini urdi.
«Bavariya» hujumchisi «Bayer»ga qarshi kechgan yarim final bahsida (2:0) hisobni ochdi.
Ingliz futbolchisi ushbu turnirdagi bir mavsumda urilgan gollar soni bo‘yicha oxirgi 7 yildagi eng yaxshi natijani takrorladi. Robert Levandovski ham 2018/19 yilgi mavsumda myunxenliklar safida 7 ta gol urgan edi.
Joriy asrda faqatgina Tomas Myuller bir mavsum davomida kubok bahslarida bundan ko‘proq gol urishga muvaffaq bo‘lgan (2013/14 yilgi mavsumda 8 ta gol).













