Ҳарри Кейн Германия Кубогининг жорий мавсумидаги еттинчи голини урди.
«Бавария» ҳужумчиси «Байер»га қарши кечган ярим финал баҳсида (2:0) ҳисобни очди.
Инглиз футболчиси ушбу турнирдаги бир мавсумда урилган голлар сони бўйича охирги 7 йилдаги энг яхши натижани такрорлади. Роберт Левандовски ҳам 2018/19 йилги мавсумда мюнхенликлар сафида 7 та гол урган эди.
Жорий асрда фақатгина Томас Мюллер бир мавсум давомида кубок баҳсларида бундан кўпроқ гол уришга муваффақ бўлган (2013/14 йилги мавсумда 8 та гол).
