«Real» bosh murabbiyi Alvaro Arbeloa nima sababdan mudofaaning o‘ng qanotida Daniel Karvaxal emas, balki Trent Aleksander-Arnoldni afzal ko‘rayotganini tushuntirib berdi.
«Trent yaxshi darajadagi futbol namoyish etmoqda, u maydonga tushishga loyiq va uning o‘yinlari shubha tug‘dirmaydi. Men uchun har bir uchrashuv — hayot-mamot masalasi. Agar qaysidir futbolchini maydonga tushirayotgan bo‘lsam, demak, u bunga loyiq deb hisoblayman va bu g‘alaba qozonishimizga yordam beradi deb o‘ylayman. Men hech kimga shunchaki daqiqalar sovg‘a qilmayman», — dedi Arbeloa matbuot anjumanida.
Joriy mavsumda Trent Aleksandr-Arnold «Real» safida barcha turnirlarda 25 ta o‘yinda maydonga tushib, beshta golli uzatmani amalga oshirdi.
