«Реал» бош мураббийи Альваро Арбелоа нима сабабдан мудофаанинг ўнг қанотида Даниэль Карвахаль эмас, балки Трент Александер-Арнольдни афзал кўраётганини тушунтириб берди.
«Трент яхши даражадаги футбол намойиш этмоқда, у майдонга тушишга лойиқ ва унинг ўйинлари шубҳа туғдирмайди. Мен учун ҳар бир учрашув — ҳаёт-мамот масаласи. Агар қайсидир футболчини майдонга тушираётган бўлсам, демак, у бунга лойиқ деб ҳисоблайман ва бу ғалаба қозонишимизга ёрдам беради деб ўйлайман. Мен ҳеч кимга шунчаки дақиқалар совға қилмайман», — деди Арбелоа матбуот анжуманида.
Жорий мавсумда Трент Александр-Арнольд «Реал» сафида барча турнирларда 25 та ўйинда майдонга тушиб, бешта голли узатмани амалга оширди.
