Bugun, 24 aprel kuni futbol bo‘yicha O‘zbekiston Superligasining 9-turidan o‘rin olgan so‘nggi uchta bahs o‘tkaziladi.
Kun dasturini chempionlik uchun kurashayotgan Farg‘onaning «Neftchi» klubi boshlab beradi. Islombek Ismoilov shogirdlari safarda «Xorazm» mehmoni bo‘lishadi. Ayni damda «Neftchi» turnir jadvalida 2-o‘rinni egallab turgan bo‘lsa, xorazmliklar 8-pog‘onadan joy olgan.
Shuningdek, soat 19:00 da Navoiyda «Qizilqum» hamda «Qo‘qon-1912» jamoalari o‘rtasidagi bellashuvga ham start beriladi.
Turning yakuniy uchrashuvi Toshkentda kechadi. «Bunyodkor» o‘z maydonida «Andijon»ni qabul qiladi. Mazkur bahs soat 20:15 da boshlanishi rejalashtirilgan.
Bugungi o‘yinlar jadvali:
-
19:00 — «Xorazm» — «Neftchi»
-
19:00 — «Qizilqum» — «Qo‘qon-1912»
-
20:15 — «Bunyodkor» — «Andijon»
