«Chelsi» yarim himoyachisi Enso Fernandes klubdagi kelajagi borasida hali bir qarorga kelmadi. Argentinalik futbolchining amaldagi shartnomasi 2032 yilgacha mo‘ljallangan bo‘lsa-da, uning yaqin orada jamoani tark etishi istisno etilmaydi.

Insayder Fabrisio Romanoning ma’lumotlariga ko‘ra, Fernandesning kelajak borasidagi qarori Liam Rosenyor ishdan bo‘shatilganidan keyin jamoani kim boshqarishiga, shuningdek, jamoaning Chempionlar ligasida ishtirok etish omiliga bog‘liq bo‘ladi. Manbaning ta’kidlashicha, xavbek shu yozdayoq klubdan ketishga ruxsat so‘rashi mumkin.

Ensoga da’vogarlardan biri sifatida «Manchester Siti» nomi tilga olinmoqda. Transfermarkt portali Fernandesning bozor qiymatini 90 million yevroga baholagan.