«Челси» ярим ҳимоячиси Энцо Фернандес клубдаги келажаги борасида ҳали бир қарорга келмади. Аргентиналик футболчининг амалдаги шартномаси 2032 йилгача мўлжалланган бўлса-да, унинг яқин орада жамоани тарк этиши истисно этилмайди.
Инсайдер Фабрицио Романонинг маълумотларига кўра, Фернандеснинг келажак борасидаги қарори Лиам Росеньор ишдан бўшатилганидан кейин жамоани ким бошқаришига, шунингдек, жамоанинг Чемпионлар лигасида иштирок этиш омилига боғлиқ бўлади. Манбанинг таъкидлашича, хавбек шу ёздаёқ клубдан кетишга рухсат сўраши мумкин.
Энцога даъвогарлардан бири сифатида «Манчестер Сити» номи тилга олинмоқда. Transfermarkt портали Фернандеснинг бозор қийматини 90 миллион еврога баҳолаган.
